मचिन्द्र खत्री
छैन कालो हट्यो मैलो
घाम लागे बिहानै यो
हाँस्न लागे यतै फूल
माहुरीका आए हूल।।१
खुल्न लागे पखेराका
रूप नौला रमाएर
चढ्न लागे लता नौला
वृक्ष हाँगा समाएर।।२
छैन खोलो यता क्रोधी
शान्ति आयो रसाएर
नील गङ्गा भयो प्यारो
तीर आफ्ना हँसाएर।।३
धान लागे खुशी छर्दै
खेत सारा सजाएर
वायु चल्दा सँगै नाच्दै
शीत बाजा बजाएर।।४
आज लेखेँ यता मैले
साउने यो कुरा सानो
गोड होला खेत राम्रो
फल्छ गोड्दा एक मानो।।५
घनश्याम रेग्मी "कहिल्यै बिरामी पर्नु भएको छ ?" कसैले प्रश्न गर्यो भने म लगायत…
शम्भु ढकाल सूर्याेदय न पा १२ आठघरे,इलाम "के गर्दै हुनुहुन्छ आमा ?" साँझपख छाेरीले फाेनमा…
शोभा कोइराला वसन्तकी सुन्दर पुष्प नारी लज्जा भएकी पनि दिव्य नारी नारी बिनाको घर नै…
सुरेशकुमार पाण्डे दाङ घोराही १८ "ओहो बालकले के काम गर्छ ?"- डाक्टर पुनितले रामेको हात…
गणेश आत्रेय मदनपोखरा,पाल्पा हाम्रो नाति छ हेर; अल्छी छैन ल हेर। प्रातः काल सबेर; उठ्छ…