उत्कृष्टता

तिलक तारामी “रेशाली”
बुटवल -११, रुपन्देही

“ए अंकल, मलाई दुई किलो लड्डु दिनुहोस् न।” जितेन्द्रले मिठाई पसलेसँग भन्यो।
“हैन के छ र बाबू आज ? ” पसलेले लड्डु तौलदै प्रश्न गरे।
“ए आज एसइइको रिजल्ट आयो नि ! मैले ए प्लस ल्याएँ। त्यै खुसीयालीमा लड्डु बाँडू कि भनेर नि ! ” जितेन्द्रले नाक फुलायो।
“ए त्यसो पो ! ल धेरै धेरै बधाई छ ! ” पसलेले पनि उसको खुसीमा खुसी व्यक्त गरे।
“थ्याङक्यू अंकल ! लड्डुको पैसा कति भयो नि ? ” जितेन्द्र हतारिदै थियो।
“एक हजार आठ सय अठासी मात्र।” पसलेले उत्तर फर्काए।
“त्यो भनेको कति रे, अंकल ? ” जितेन्द्रको प्रश्न आयो।