“अब के के हुन्छ?”

पुण्यप्रसाद घिमिरे
बैत्यश्वर-६ दाेलखा

घर जले सहर जले, अब के के हुन्छ?
छाती ताक्ने गाेलीलाई, भन कसले थुन्छ?

किताब जले कपी वले, झाेला पनि जल्याे,
भनिदिनुस् बाबाआमा, किन यस्ताे भयाे।
सडकका रगत टाटा, अब कसले धुन्छ?
हामी साना केटाकेटी कुरा कसले सुन्छ?

घर जले सहर जले, अब के के हुन्छ?
छाती ताक्ने गाेलीलाई, भन कसले थुन्छ?

घर स्कुल सिकाउँछन् , नैतिकताका कथा,
डरै डर बाँच्नुपर्ने, मनभरिका व्यथा।
दृश्य देख्दा काहालिन्छु, मन कति रून्छ,
मान्छे मार्ने बिनास गर्ने, जाल कसले बुन्छ?

घर जले सहर जले, अब के के हुन्छ?
छाती ताक्ने गाेलीलाई, भन कसले थुन्छ?