अम्बिका धिताल
कमलविनायक भक्तपुर
असोजको महिना पानी पर्यो दर्केर
खोलानाला भरियो पानी बग्यो कर्केर
बिजुली नि चम्कियो कालो भयो आकाश
जताततै पानीले पार्यो धेरै सकस।
दिन रात वर्षा भो चरीका गुँड भत्किए
जङ्गलका जनावर ओडारमा झस्किए
नदी सबै बौलायो बाटो छोडी हिँडेर
धनजनको क्षति भो बस्तीहरु डुबेर।
पहाडहरू खसेर घर खेत बगायो
दशैं तिहार आउँदा खुसी सबै भगायो
खोला मिची बनाको घर बग्यो सलल
दुःख लाग्दो दृश्य छ अगल र बगल।
सबै मिली अब त निकालौं है निकास
समयमै नसोच्दा भयो आज विनाश
सुरक्षित भएर ठाउँहेरि बसौँ है
सेवा भाव लिएर उद्धारमा पसौँ है।
विपद्का कारण अभिभावक गुमाएका, परिवारबाट बिछोडिएका तथा असुरक्षित अवस्थामा पुगेका बालबालिकाको संरक्षणलाई राज्यको संस्थागत जिम्मेवारीका…
कृष्णशरण उपाध्याय पौडेल हामी जन्मनु पूर्व छल्छल थिए, सारा नदी का जल हाम्रो मृत्यु पछाडि…