गंगा खड्का
बूढानीलकण्ठ
आँखा भयो रातो
च्वास्सच्वास्स घोचेर
अझै दुख्यो मन मेरो
पढाइ बारे सोचेर।
स्कुल जान पाइन
घरमै बस्नुपर्यो
लौ न आँखा पाकेर
मलाई गर्नुगर्यो।
मोबाइल,टि.भी सबै कुरा
निषेध भए छुनलाई
मनोरञ्जन नपाएर
पर्यो दु:खी हुनलाई।
सर्छ भनी डराएर
साथी हुन्छन् पर
कतिन्जेल हुने होला
आँखा दुख्ने डर ?
पटकपटक औषधि
हाल्दाखेरि पोल्छ झन्
माया गर्ने भन्दा
डराउने धेरै छन्।
कालो चस्मा लाएर
बस्दा लाग्छ झर्को
घरीघरी किन आउँछन्
संक्रमणका लर्को ?
नअपनाए सावधानी
फर्कीफर्की आउँछ रे
सरसफाइमा अल्छी गर्नेले
पाउनु दु: ख पाउँछ रे।
विपद्का कारण अभिभावक गुमाएका, परिवारबाट बिछोडिएका तथा असुरक्षित अवस्थामा पुगेका बालबालिकाको संरक्षणलाई राज्यको संस्थागत जिम्मेवारीका…
कृष्णशरण उपाध्याय पौडेल हामी जन्मनु पूर्व छल्छल थिए, सारा नदी का जल हाम्रो मृत्यु पछाडि…