विके माकजु
भक्तपुर
आयो माघ आयो
ठन्डी मौसम ल्यायो
छैन कुनै शुरै
काँप्यो जीउ पूरै
लौ लौ चिसो फाल
बाल आगो बाल।
तुषारो छ सेतै
शीत लहर उस्तै
आकाशभरि हुस्सु
आम्मै नी! स्यु स्यु
जाडो भगाउ छिटो
घाम लाग मिठो।
सुन्थेँ माघको जाडो
यसै त्यसै जान्छ
बच्चाको जाडो
बाख्रोले खान्छ
भएँ म त ठहरै
होइन रैछ बरै!
भयो आकाश जाम
देखिएन घाम
बाहिर नबसौँ
घरभित्र पसौँ
भाग्छ जाडो भाग्छ
गर्मी अनि आउँछ।
धनराज सिलव हिमाली काखमा बसी विद्यार्थी आगाडि लम्कन्छौँ यो देशको मायालाई बोकी तारा झैँ सदा…
रोजिना घिमिरे अन्धकारको यो अनन्त सुरुङभित्र उभिएर म आफ्नै अस्तित्वको ढकढक्याहट सुनिरहेको छु। गुरु, तपाईँले…