शिव पुन
देश मै कि परदेश , इष्ट मित्र आफन्त
घुम्दै आयाे लौ हेर , ऋतु राजा बसन्त।
मेरा पनि मन इच्छा , अब पूरा गरुँ म
म पनि त बसन्तकाे , केही व्याख्या गरुँ म।
पञ्चमीमा पुजा गरौँ , देवी माता सरस्वती
विद्या देवी सरस्वती , दिन्छन् ज्ञान कति।
बाल बच्चा शिशुहरु , अब सिक्ने कखरा
काेहि-काेहि बच्चाहरु , गर्ने कति नखरा।
घुम्दै-घुम्दै सुर्य पनि , भु-मध्यमा आउँने
वर्ष दिन लुक्ने चरी , कुकु गीत गाउँने।
शिवरात्री नवरात्री , हाेली पर्व आउने
भाङखाने हाेली खेल्ने , फागु गीत गाउने।
शिवरात्री मनाउन , पशुपति जाउँला
पशुपति दर्शन गरि , प्रसाद नी खाउँला।
उफ्री-उफ्री नाच्ने अब , डाँफे चरी मुनाल
प्रकृतिको रुपदेख्दा , खुबै हाँसे हिमाल।
चैते हुरी चल्दा खेरि , हावासँगै बालुवा
पतझड पछि आयाे , अब नयाँ पालुवा ।
बसन्तकाे व्याख्या गर्न , अझ धेरै कुरा छ
वन भरि रातै – रातै , फूल फूल्छ गुराँस।
बलराम दंगाल रत्ननगर, चितवन हाल–अष्ट्रेलिया साँझ पर्न लागेको थियो। असफलताले थाकेको युवक पीपलको रूखमुनि बसेका…
आत्माराम न्यौपाने तिम्रा साना कर-कलमले लेख्छ नौलो भविष्य तिम्रा साना मृदु नयनले देख्छ सम्पूर्ण विश्व…
सुमन कडरिया चितवन विद्यालयको ७५ औँ हीरक जयन्ती भव्य रूपमा मनाइँदै थियो। समारोहकै बीच पूर्वविद्यार्थी…
समर भण्डारी गोलबजार३,जम्दह तीन दिनदेखि अविरल पानी परिरहेको थियो। खोला उर्लियो, घर–आँगन डुबायो। रातभरि गाउँमा…