कमला घिमिरे अधिकारी
लमजुङ, बेसीशहर हाल:- काठमाडौं, टोखा
हेर्दा सानो फुच्चे फुच्चे
कलम हो नाम मेरो
ज्ञान गुणका कुराहरु
फैलाउने काम मेरो।
सुनेका ~ कुराहरु
पक्का हुन्छन् देखेपछि
भविष्यमा पढ्न मिल्छ
राम्रो बनाई लेखेपछि।
त्यसका लागिअत्यावश्यक
साधन म बनिदिन्छु
कापी साथी चाहिन्छ
लेखिदिन्छु, भनिदिन्छु।
खल्तिमा नि अटाउँछु
झोलामा नि बसिदिन्छु
ख्याल राख्न नसके
हराउँछु, खसिदिन्छु।
सहारामा चल्दछु म
आफैँ चल्ने बानी छैन
फुच्चे फुच्चे तिखो चुच्चे
धेरै ठाउँ चाहिदैन।
थरिथरि बिशेषता छन्
धेरै काम गर्न सक्छु
चित्रलाई राम्रो पार्न
रङ्ग पनि भर्न सक्छु।
शब्दलाई आकार दिन
पेट भरि हुनुपर्छ
तिखो,चुच्चो भागले
कापीलाई छुनुपर्छ।
घनश्याम रेग्मी "कहिल्यै बिरामी पर्नु भएको छ ?" कसैले प्रश्न गर्यो भने म लगायत…
शम्भु ढकाल सूर्याेदय न पा १२ आठघरे,इलाम "के गर्दै हुनुहुन्छ आमा ?" साँझपख छाेरीले फाेनमा…
शोभा कोइराला वसन्तकी सुन्दर पुष्प नारी लज्जा भएकी पनि दिव्य नारी नारी बिनाको घर नै…
सुरेशकुमार पाण्डे दाङ घोराही १८ "ओहो बालकले के काम गर्छ ?"- डाक्टर पुनितले रामेको हात…
गणेश आत्रेय मदनपोखरा,पाल्पा हाम्रो नाति छ हेर; अल्छी छैन ल हेर। प्रातः काल सबेर; उठ्छ…