“काग तिहार”

पुण्यप्रसाद घिमिरे
बैत्यश्वर ६, दोलखा

कोइली डाँफे चरी वर्ग, आज काग तिहार,
टीका लाउँछु कालेकाग, देऊ तिम्रो निधार।
यम पञ्चक तिहारमा, फालौं मैलो बिकार,
पंक्षीलाई पूजागर्ने, हाम्रो राम्रो संस्कार।

गीत गाई कीरा खान्छौ बालिनाली सुरक्षा,
चिरबिर छैनभने, सुनसान अवस्था।
आफ्नै बोली के के बोल्छौ का का गरेर,
फलफुल मिष्ठान्न, ल्याएँ दुना भरेर।

यमराजका दूत हौ रे, कागदाजै तिमी त,
समाचार भन्दै उँड्ने, हुलाकी दाइ तिमी त।
आऊ आऊ प्रसाद खाऊ, पूजा सबै पंक्षीको,
तिम्रो पर्व आएपछि, देउसी भैलो संझियो।

उँड्दै आऊ चरिबरी, तिम्रो मान गर्दछौँ,
पंक्षी पुज्ने संस्कृतिको, हामी रक्षा गर्दछौं।
पर्व दिनमा नआएमा, अलमल पर्दछौँ,
नडराइ खाऊ खाना, हामी पर सर्दछौँ।