“किसान हाँसेपछि”

भगवतीप्रसाद शर्मा

हेमन्त आएछ शरद् गएर
ल्यायो गुणी मङ्सिर पो! चुनेर
बढे भकारी करमा कलाले
किसान हाँस्छन् मजले खुलेर।

प्रसन्न सारा जब खान पाए
घुर्छन् परेवा गुँडका रमाए
मयूर नाच्छन् बुझ यो पलामा
झन् कोइली गाउँछ ती खलामा।

हेमन्त साँच्चै रसिलो बनेर
आएछ हाम्रा दुख यी बुझेर
जाडो न गर्मी न त हुन्छ बर्षा
किसानका माझ दिनेछ हर्ष।

बयान मीठो ऋतुको भनेर
हाँदै छ हेमन्त उता बुझेर
साँच्चै अनौठो ऋतुको कला छ
बिस्मात आनन्द बराबरी छ।

वसन्त डाकी पनि छैन चैन
राम्रो त ठानिन्छ शरद् छ छैन
हेमन्त आधार दिनेश हुन्छ
किसान हाँसेपछि देश बन्छ।