“लाग्छ हेरी आऊँ”

राधा आचार्य
बुटवल ,रुपन्देही

ए तारा! ए तारा! तिमी बस्ने ठाउँ
कस्तो होला!कस्तो होला!
लाग्छ हेरी आऊँ

ए जून! ए जून! तिमी बस्ने ठाउँ
कस्तो होला! कस्तो होला!
लाग्छ हेरी आऊँ।

धेरै धेरै तारा छन् थालजस्तो ठाउँ
भन्नुहुन्छ बाबाले ताराकै हो गाउँ
जून त्यहीँ बसेको के होला त नाउँ
सबको गाउँ एउटै हो आकाशगङ्गा नाउँ
कत्ति राम्रो नाम हो लौ लौ हेर्न जाऊँ
हेरी फर्की आऊँ
तारा बस्ने गाउँ
जून बस्ने गाउँ
थालजस्तो ठाउँ
आकाशगङ्गा नाउँ।

श्रोतः नेपाली बालसाहित्य