बिन्दु पौड्याल वस्ती
लामो पराल छॅाटेर
आँगनीमा तान लाउॅदै
हतासोले ठोकेर
आमाले गुन्द्री बनाउॅदै
सानी बहिनी आएर
चकटी खोजिन् रोएर
आमाले काख लिनुभो
बनाउँला भोलि भन्नुभो
दादा हॅास्दै आएर
आफ्नो खाटलाई लानुभो
दिदीलाई भाग नपुग्दा
अर्को बुन्दिन लाग्नुभो
त्रिपाल किन्नु परेन
बाको पैसा जोगियो
गुन्द्री गुन्द्री जोडेर
बिस्कुन पनि सुकाइयो
आमा कति सिपालु
घरेलु उद्योग सुचालु
पैसा पनि जोगियो
सबैको इच्छा पुगी गो
चिसोमा तातो बनाउने
हजुरआमा रमाउने
आफ्नै घरको सामग्री
भित्रबाहिर गराउनी
बाबियो डोरी बनाउॅदै
घरको काम समाउॅदै
चाहिने आसन बनाइयो
वातावरण सफा गराइयो।
