गणेश दवाडी
लेटाङ -९मोरङ
स्कुल आउ सबेर समयको ख्याल गर
गरिहाल सूचना पर्यो भने अभर
गृहकार्य सकेर पाठ फेरि पढ्नु है
असल बाटो पक्डेर अघि तिमी बढ्नु है।
नजान्नेले नम्र भै जान्ने सङ्ग सोधेर
नजानेका बिषय गुगलमा खोजेर
जिज्ञासु हौ हे नानी प्रश्न सधैँ गरेर
बुद्धिमान हुनु छ हुन्न पछि सरेर ।
सिकाइका तरिका युट्युबमा भेट्ने छौ
ज्ञानका तिर्खा कति त यसैबाट मेट्ने छौ
नबुझेमा तुरुन्तै गुरुतिर फर्किनु
आज्ञा मान गुरुको हुन्न नानी झर्किनु।
हरेक घण्टी तिमीले नयाँ कुरा थप्नु छ
गणित र भाषाका सुत्र मन्त्र जप्नु छ
अघि बढ्छ पढाइ शब्द भण्डार बढाए
सफलता मिल्नेछ मन पुस्तकमा चढाए ।
विपद्का कारण अभिभावक गुमाएका, परिवारबाट बिछोडिएका तथा असुरक्षित अवस्थामा पुगेका बालबालिकाको संरक्षणलाई राज्यको संस्थागत जिम्मेवारीका…
कृष्णशरण उपाध्याय पौडेल हामी जन्मनु पूर्व छल्छल थिए, सारा नदी का जल हाम्रो मृत्यु पछाडि…