जिम

राजेश भट्टराई
सैनामैना११, रुपन्देही

“बाबा मेरो जिऊको मासुहरु लुज भएर ज्यान नै फ्यातल्लको भयो। टाइट गर्न जिम जान्छु, पैंसा दिनुस् न” भन्यो सुमनले।
“ए, जिऊ टाइट गर्न पर्यो? त्यसको लागि, किन अरुकोमा जानु पर्यो र। घरमै जिम हाउस बनाइदिएको छु त मैँले।”ढुक्क हुँदै भने।
“घरमै ? खोई कहाँ छ ?” यताउती हेरेर आश्चर्यभावले सोध्यो।
“ल आइज, म देखाइदिन्छु” भन्दै काँधमा कोदालो भिरेर बारिमा लगे र भने “तरकारी लगाउन यो बाँझो फोर्न नसकेर मैँले भोलि पिपलरुखे साइलोलाई बोलाथेँ “। कोदालो हातमा थमाइदिदै “तैँले यहीँ कोदालोले बाँझो फोर। ज्यालाको पनि बचत हुन्छ । जिऊ पनि टाइट हुन्छ ।”