“जून”

तुलसी पण्डित

साथीभाइ यता आइ
राम्रो कुरा गुन
हेर माथि आकासमा
कति राम्रो जून

चम्केको छ आकाशमा
धर्ती सजाउन
खेतबारी सबै तिर
जन हँसाउन

त्यति राम्रो जूनमा
धव्वा लागेको
भन्नु हुन्छ बाबा सधैं
छाया परेको

रुप सधैं फेर्छ उसले
दिव्य आकासमा
खुशीयाली हराइ जान्छ
औसी रातमा

फेरि आउँछ उज्यालो
पन्ध्र दिनैमा
पूर्णिमा हो सुन्दर पक्ष
सबको दिलमा

सेवा उसको निस्पक्ष
छैन कपट
बराबरी माया उसको
सधैं हर्पल

हजुरबाबा भन्नुहुन्छ
माथि हेर नानी
अनुशरण उसको गर
राम्रो लेउँ बानी

छलकपट गर्न हुन्न
हामी सबैले
निपक्षता अँगाल्नु है
सारा जनले

चन्द्रमाको झल्को दिने
गर पौरख
अनि हात लाग्ने छ
सदा गौरव।