घनश्याम रेग्मी
असल कर्म गरेमा
मानव भाव भएमा
असली बीउ छरेमा
फुल्नेछ फूल भरेमा।
कर्ममा शक्ति लाएर
सिक्न छ सीप धाएर
क्या मिठो बास्ना छाएर
नाचौँला गीत गाएर।
भावना उच्च राखौँला
स्वादिलो फल चाखौँला
देवी देउता थापौँला
भक्तिले शक्ति भाकौँला।
देशको भलो सोचियोस्
न्यायको बाटो रोजियोस्
गरीब दुखी सोधियोस्
हामीमै खुसी खोजियोस्।
कर्ममा लाग नेपाली
समय व्यर्थ नफाली
जाँगर जोस निकाली
बढ्नु छ हामी नेपाली।
विपद्का कारण अभिभावक गुमाएका, परिवारबाट बिछोडिएका तथा असुरक्षित अवस्थामा पुगेका बालबालिकाको संरक्षणलाई राज्यको संस्थागत जिम्मेवारीका…
कृष्णशरण उपाध्याय पौडेल हामी जन्मनु पूर्व छल्छल थिए, सारा नदी का जल हाम्रो मृत्यु पछाडि…