“टुहुरो सन्तान”

तृष्णा श्रेष्ठ
कक्षा :९
उत्तर बाहिनी बोडिंग स्कूल गोकर्ण , काठमाडौं

जन्म त दियौ आमा तिमी
मलाई जन्माएर गयौ।
मलाई जन्माउँदा तिमी
बेहोश भएकी थियौ।
म जन्मिएँ तर तिमी
बेहोश हुँदा हुँदै गयौ।।
यस्तो स्वार्थी संसारमा
बनाई गयौ एक्लै मलाई।
तिमी साथमा भएको भए
पाउँथे होला आमा
म तिम्रो मायाँ।।
तर माया त पाएँको छु सबैको
तैपनी तिमो जस्तो पाईन मैले ।
त्यसैले आमा मैले
आमाको माया कस्तो हुन्छ
थाहै पाईन।।
धर्ती त देखे आमा
तर तिमीलाई देखिन ।
त्यसैले म रूँदा रूँदै भन्ने गर्छु
अब त
फर्कि आउन है मेरी आमा।।