“दसैँ आयाे भन्नू मात्रै”

हरि काेर्काली

दसैँ आयाे दसैँ आयाे भन्छन् सबैजना
आफ्नाे चहिं वर्षाैंदेखि चुहुने छ छाना।

छाेराे आउँछ बस्छ काखमा भन्छ मने खाने
नयाँ नाना लगाएर पिङ खेल्न जाने।

बुढी भन्छे दसैंमा त चाेलाे फेर्न पाऊँ
टाल्ने पनि छैन ठाउँ थाेत्राे कति लाऊँ।

साहु भन्छ यसपालि त भाखा नाघ्नु हुन्न
साउँ- ब्याजै नलिई त अब जाँदै जान्न।

दसैँ पनि गरिबलाई त दशै आएजस्ताे
चाडपर्व भन्नू मात्रै सासै थुन्ने कस्ताे!