ललिता ‘दोषी’
बुद्धनगर, काठमाडौँ
बिदाभयो कालोमैलो
दिनभयो घमाइलो
घरघरमा आयो दसैँ
लाग्यो हामीलाई रमाइलो
टीका र जमरा लाउँछौँ
पैसा पनि पाउँछौँ
साना हामी केटाकेटी
साह्रै नै रमाउँछौँ
चचहुई पिङ खेल्छौँ
खान्छौँ मीठो मसिनो
न त धेरै जाडो हुन्छ
न त आउँछ पसिना
आशिष् दिन्छन् ठूलाबडा
हजुरबा र आमाले
सुहाउँछ भन्छन् सबै
रातो राम्रो जामाले।
विपद्का कारण अभिभावक गुमाएका, परिवारबाट बिछोडिएका तथा असुरक्षित अवस्थामा पुगेका बालबालिकाको संरक्षणलाई राज्यको संस्थागत जिम्मेवारीका…
कृष्णशरण उपाध्याय पौडेल हामी जन्मनु पूर्व छल्छल थिए, सारा नदी का जल हाम्रो मृत्यु पछाडि…