मणि भट्टराई
आऊ नानी आऊ
आऊ बाबू आऊ
मेरो सामु आऊ
दुई कुरा सुनेर
अनि मात्र जाऊ।
मीठो बोली बोल
साँचो कुरा बोल
हाँसी हाँसी बोल
मनमा कुरा गुनेर
मनको कुरा खोल।
सफा लुगा लाऊ
सफा खाजा खाऊ
सफा पानी पिऊ
फुर्तिलो सँधै भएर
सफा राख जिऊ।
भाइ सँग रमाऊ
बैनी सँग रमाऊ
साथी संग रमाऊ
स्कूल जाउ हाँसेर
हाँस्तै घर आऊ।
बा बा नजिक जाऊ
आमा नजिक जाऊ
मीठो म्वाई खाऊ
दिन भरि आज
के के गर्यौ सुनाऊ।
विपद्का कारण अभिभावक गुमाएका, परिवारबाट बिछोडिएका तथा असुरक्षित अवस्थामा पुगेका बालबालिकाको संरक्षणलाई राज्यको संस्थागत जिम्मेवारीका…
कृष्णशरण उपाध्याय पौडेल हामी जन्मनु पूर्व छल्छल थिए, सारा नदी का जल हाम्रो मृत्यु पछाडि…