अनन्तकुमार बस्नेत
(भुजङ्गप्रयात)
उनासी गयो यो धराधाम छोडी ।
सबै साथ आत्मीय सम्बन्ध तोडी ।।
नयाँ सूर्य उत्साहले झल्मलाओस् ।
असीसाल सद्भाव बोकेर आओस् ।१।
यहाँ वृक्षमा पर्ण नौला पलाए ।
सयौँ दीप सञ्चेतनाको जलाए ।।
छरी चाँदनी चन्द्रमा जग्मगाओस् ।
असीसाल उल्लास बोकेर आओस् ।२।
हुरी हुण्डरी चैत्रको दूर भाग्यो ।
भरी आश वैशाखको घाम लाग्यो ।।
सदा शैल आनन्दले मुस्कुराओस् ।
असीसाल सौहार्द्य बोकेर आओस् ।३।
प्रभा छर्न थाले लता मञ्जरीले ।
खुसी थप्न लागे बुटा वल्लरीले ।।
बलात्कार हिंसा डकैती घटाओस् ।
असीसाल वैदूर्य बोकेर आओस् ।४।
लियो भोट मात्रै यहाँ सत्तरीले ।
दियो चोट मात्रै झनै सत्तरीले ।।
खलो खर्कमा हर्क सर्वत्र छाओस् ।
असीसाल सानन्द बोकेर आओस् ।५।
निराशा बढेको छ मान्छेहरूमा ।
सँधै दाउ खाने छ भान्सेहरूमा ।।
नयाँ वर्षले दिव्य आशा जगाओस् ।
असीसाल प्रोल्लास बोकेर आओस् ।६।
प्रह्लाद दवाडी लिङमो पेपथाङ्,दक्षिण सिक्किम "आज तिमीहरू मिठो मिठो खाउ ल, म पनि खुवाउँछु" सानीले…
शोभा कोइराला नारी यस्ता निडर बनियून् शङ्ख उद्घोष गर्ने योद्धा बन्दै हरबखत नै सत्यको खोज…
कल्पना मरासिनी भूमिकास्थान,अर्घाखाँची हाल:ललितपुर "ए उठ ! उज्यालो हुनै लाग्यो, रातभरिको हावाले आँप भुइँभरि झरेका…