घनश्याम रेग्मी
नयाँ वर्षमा फूल यी मुस्कुराऊन्
नयाँ हर्षमा चन्द्रमा चम्चमाऊन्
सबै रोग बाधा हटी देश स्वस्थ्य
पुराना भए घाउ खाटा पलाऊन् ।
नयाँ वर्षमा आस नौला पलाऊन्
नयाँ वर्षले अन्न धेरै फलाऊन्
हवस् सौम्य धर्ती परी ठिक्क पानी
फुली फल्न सक्ने बनोस् जिन्दगानी ।
लथालिङ्ग पार्टी सबै बन्द होऊन्
नयाँ सोच उत्साह नौला जगाऊन्
भएका पुराना खिया फाल जम्मै
खिया मुक्त लाग्ने बनून् लौ अचम्मै ।
नयाँ वर्षमा सोच चिन्ता नयाँ होस्
नयाँ वर्षमा पर्स भित्ता नयाँ होस्
उज्यालो बढोस् जिन्दगीमा समस्त
खुसी साथ लाएर फर्कोस् वसन्त ।
नयाँ वर्ष हाम्रो बनोस् निर्विकार
नयाँ वर्षमा आय होस् लौ सुधार
उचा ज्ञान शिक्षा सबै बन्धु साथ
नयाँ वर्ष आओस् लिई सुप्रभात ।
विपद्का कारण अभिभावक गुमाएका, परिवारबाट बिछोडिएका तथा असुरक्षित अवस्थामा पुगेका बालबालिकाको संरक्षणलाई राज्यको संस्थागत जिम्मेवारीका…
कृष्णशरण उपाध्याय पौडेल हामी जन्मनु पूर्व छल्छल थिए, सारा नदी का जल हाम्रो मृत्यु पछाडि…