“नाम जानौँ”

बिन्दु पौड्याल वस्ती
भरतपुर -२, चितवन

तिमीले केके खाका छौ
खाँदा केके पाका छौ
नाम तिमीलाई थाहा छ ?
जान्दा धेरै काम लाग्छ।

नास्पति काट्न लाको
भित्र भिनाजु भाको
स्याउ साह्रै रसिलो
फुपाजुभित्र कसिलो।

ढाक्रे दाइ आएका
चिउरी धेरै ल्याएका
बाहिरी बोक्रो फालेको
बिजुलो भित्र हाँसेको।

आमा बजार गएर
लप्सीले झोला भरेर
बनाउनुभयो अचार
खादा जिब्रो फड्कार।

पाकेको बोक्रा निस्किन्छ
च्याम्पटि धेरै चुसिन्छ
कटहरको कोयाको
भुटेर खान सुकाको।

आरूभित्र वनस्पति
कडा हुन्छ यो अति
काफल लुईटो फाल
निल्दाआउला गाल।

घिरौँला बिजन राख
जालो राम्ररी समाल
अर्को साल नि आउँछ
बिजन घरकै लाइन्छ।

पिप्पली हुन्छ अमलामा
सुकाइ राख्यौँ डब्बामा
कपास ज्यापू निकाली
बत्ती कातेर सँगाली।