अम्बिका धिताल
कमलविनायक भक्तपुर
आज म त कोपिला
भोलि फुल बन्नेछु
राम्रो काम गरेर
मगमग बास्ना छर्नेछु।
पानी जस्तै बगेर
गन्तव्यमा पुग्नेछु
सगरमाथा चढेर
आफ्नो नाम राख्नेछु।
चरा बनी उडेर
आकाशमा छुनेछु
चन्द्रमामा पुगेर
रातमा ज्योति भर्नेछु।
समस्यामा डटेर
हलगर्न लाग्नेछु
दुःख पीडा हटाइ
खुसी भर्न जाग्नेछु।
नेपालमै बसेर
माटो पूजा गर्नेछु
विद्या बुद्धि अर्पेर
देशको नाम राख्नेछु।
विपद्का कारण अभिभावक गुमाएका, परिवारबाट बिछोडिएका तथा असुरक्षित अवस्थामा पुगेका बालबालिकाको संरक्षणलाई राज्यको संस्थागत जिम्मेवारीका…
कृष्णशरण उपाध्याय पौडेल हामी जन्मनु पूर्व छल्छल थिए, सारा नदी का जल हाम्रो मृत्यु पछाडि…