केशवराज अधिकारी
सानू सानू खिरौटे छ
खुट्टा लामा लामा।
सुँढ पनि रैछ यस्को
के हो यस्तो आमा?
हाम्रै रगत चुसी खाने
रोग सार्ने काम।
लुकि लुकि टोक्छ यस्ले
लामखुट्टे हो नाम।
सुँढ लामो हात्ती हैन
चरो हैन उड्छ।
सधैँ साँझ बिहानमा
बस्ती बस्ती डुल्छ।
बजाउँदै मीठो धुन
नजिकिंदै आयो।
हाम्रो रगत मिठ्ठो मान्दै
चुस्दै चुस्दै खायो।
जहाँ जहाँ पानी जम्छ
फुल पार्न धायो।
जाडो मैना हराउने
गर्मी लाग्दा आयो।
रोग लाग्ने भाइरस
लामखुट्टेले बोक्छ।
हामीलाई सार्न भनी
घरै आई टोक्छ।
इन्सेफलाइटिस,डेङ्गु
मलेरिया अरु।
स्वयन्फ्लु र हात्तीपाइले,
सार्छ रोगहरू।
ल है सबै होसियार
बन्नु पर्ने भा छ।
भत्काई दिऊँ लाम्खुट्टेको
बस्ने घर जाँ छ।
रम्भा पौडेल प्यारा भाइबैनीहरु ! यो असार महिना हो । अब असार पन्ध्र आउनैलाग्यो ।…
तुलसीराम खरेल बिर्तामोड झापा नयाँ सरकारले आइतबार छुट्टी गराएको थियो। नयाँ शैक्षिक सत्रमा आइतबार विद्यालय…
घनश्याम रेग्मी नानीहरू चित्र बनाउँदै थिए धर्सा खिची रङ्ग लगाउँदै थिए उत्साहका हार्दिक रङ्ग घोलिए…
अम्बिका धिताल भक्तपुर "बुबा, योगले साँच्चै जीवन बदल्छ ?" छोराले बिहानको सुनौलो घाममा आँखा चिम्लिरहेका…