आत्मराम न्यौपाने
पढ्न जाऔँ सबै आज विद्यालय
लेख्न जाऔँ सबै आज विद्यालय।
पढ्न वा लेख्न जान्दैन जो सज्जन
हुन्न विद्वान् गुणी हुन्न धेरै धन
जान्न सक्दैन अर्को र आफ्नोपन
चिन्न सक्दैन ऊ सन्त वा दुर्जन।
बन्न विद्वान् गुणी चेतना पाउन
व्यक्ति कस्तो भनी चिन्न जान्ने हुन
पढ्न जाऔँ सबै आज विद्यालय
लेख्न जाऔँ सबै आज विद्यालय।
जिन्दगीमा सबै थोकको मूल्य छ
पढ्न जान्दैन जो ऊ मरेतुल्य छ
काम धेरै रहून् गर्न बाँकी तर
मुख्य झन् काम हो चिन्नु यी अक्षर।
आज संसारमा ज्ञानको सान छ
ज्ञान वा बुद्धिकै मान सम्मान छ
ज्ञान ऐश्वर्य हो ज्ञान पैसा सुन
ज्ञान विज्ञानले अग्रगामी हुन।
पढ्न जाऔँ सबै आज विद्यालय
लेख्न जाऔँ सबै आज विद्यालय।
काठमाडौँ । बूढानीलकण्ठ स्कुलमा सामाजिक यथार्थवादी तथा प्रयोगधर्मी नाटक ‘फलामे गेट’ मञ्चन गरिएको छ ।…
रञ्जुश्री पराजुली चिन जान दाजै म नेपाली छोरी आफ्नो कामगर्छु सीप जोरीजोरी समयमा पुस्तक खोली…
पुण्यप्रसाद घिमिरे बैत्यश्वर- ६,दाेलखा २०८३/४/२२ दुधका तुर्काे, तेलकाे थाेपाे, सुर्तीकाे खिली, केराकाे काेसाे। काँचै काेक्याउँछ,…
धनराज सिलव हिमाली काखमा बसी विद्यार्थी आगाडि लम्कन्छौँ यो देशको मायालाई बोकी तारा झैँ सदा…