आत्माराम न्यौपाने
यो बुद्धको देश भनी चिनायौँ
बुद्धत्वको पाठ कहाँ सिकायौँ ?
हिमालको देश भनी चिनायौँ
हिमाल संरक्षण खै सिकायौँ ?
सनातनी देश भनी चिनायौँ
सनातनी पाठ कहाँ सिकायौँ ?
नदी चिनारी पनि भन्न थाल्यौँ
यी हातगोडा यिनमै पखाल्यौँ ।
मायाँ नदीको मुटुभित्र बोक्यौँ ?
कुनै नदी किन्न र बेच्न रोक्यौँ ?
यो वेदको देश भनी चिनायौँ
वेदादिको पाठ कहाँ सिकायौँ ?
हो वीरको देश भनी सिकायौँ
त्यस्ता अरू वीर कहाँ बिकायौँ ?
हाम्रो भनेको इतिहास मात्र
नयाँ कुरो छैन नयाँ न पात्र ।
केनिम्तिमा पाठ पढाउँदै छौँ ?
बच्चा स-साना कि सडाउँदै छौँ ?
उद्देश्य नौलो किन छैन हाम्रो
यही कि मान्यौँ गतिलो र राम्रो ।
हो जागिरे बन्न र बिक्नलाई
त्यो हाजिरी गर्न र टिक्नलाई
मात्रै सिक्यौँ अक्षर अङ्क चिन्न
अरू कुनै काम भएन भिन्न ।
नेपालका पाठ पढेर आज
कि सुध्रियो विश्व कि यो समाज ?
नौलो चिनारी कसले बनायो
बाटो सुनौलो कसले खनायो ?
सुरेशकुमार पाण्डे दाङ घोराही १८ "यो मोबाइल खराब भयो ठिक गराइदेउ त नानी !"-राधाले आफ्नि…
प्रेमनारायण भुसाल प्रजातान्त्रिक मुलुकमा जवाफदेहिता र पारदर्शितालाई जति महत्त्वपूर्ण सूचक मानिन्छ। त्यति नै महत्त्वपूर्ण रूपमा…