बाशुदेव पाण्डे
पाहुनाझैँ बिदा मागी फर्किने छु पुन: भनी
पालो हेमन्तको ठानी गयो टाढा शरद् पनि।
बसी माइतमा चेली फर्केझैँ कर्मका घर
शरद् आई छरी शोभा छुट्टिएर गयो पर।
अन्नबाली सबै काटी रित्तिए खेतका गरा
शरद्माझैँ धरा पूर्ण छैन उस्तो हराभरा।
सिरेटोको चल्यो सत्ता फर्के हेमन्तका दिन
हिमशैल दली नौनी नहोऊन् हँसिला किन।
रङ्गमञ्च धरा मानूँ सृष्टि- सत्ता छ सर्जक
सङ्गीतकारझैँ हावा हाँगाका पात नर्तक।
धरामा जन्मिए मोती पातका शीतका कण
रजनी लाउँछे मानूँ जूनका वस्त्र- भूषण।
सधैँ निर्धनको चित्त पार्न खोज्ने छियाछिया
दूतजस्तो चिसो हावा बन्छ मानूँ बिचौलिया।
लाग्ने वसन्तको झल्को फुले पैयुँ जता जता
अनौठो लोभलाग्दो यो छ धर्तीको विचित्रता।
उही सूर्य उही धर्ती मास, पक्ष सबै उनै
दिन छोटा भए रात लम्बिँदै छन् शनै: शनै:।
आयो हेमन्तको पालो शरद्का सिद्धिए दिन
जिम्मेवार धरा धात्री बिर्सन्थ्यो भूमिका किन।
घनश्याम रेग्मी "कहिल्यै बिरामी पर्नु भएको छ ?" कसैले प्रश्न गर्यो भने म लगायत…
शम्भु ढकाल सूर्याेदय न पा १२ आठघरे,इलाम "के गर्दै हुनुहुन्छ आमा ?" साँझपख छाेरीले फाेनमा…
शोभा कोइराला वसन्तकी सुन्दर पुष्प नारी लज्जा भएकी पनि दिव्य नारी नारी बिनाको घर नै…
सुरेशकुमार पाण्डे दाङ घोराही १८ "ओहो बालकले के काम गर्छ ?"- डाक्टर पुनितले रामेको हात…
गणेश आत्रेय मदनपोखरा,पाल्पा हाम्रो नाति छ हेर; अल्छी छैन ल हेर। प्रातः काल सबेर; उठ्छ…