रामप्रसाद पन्थी
रेसुङ्गा न.पा. २ गुल्मी
विद्यालय मन्दिर हाे प्रअ पिठाधीश
पिठाधीश याेग्य भए खुसी हुन्छन् ईश
नेतृत्वकाे गुण राम्राे भए देखि हाम्राे
अनि मात्रै पाठशाला बन्छ पक्कै राम्राे
साझा लक्ष्य याेजनामा चलाैँ सधैंभरि
इमान्दार बनी पूरा गराैँ जिम्मेवारी ।
मिठाे बाेली हँसमुख लगनशील सीप
पेशागत दक्षताकाे बालाैं धूप दीप ।
मनाेविज्ञ बन्नुपर्छ सधैँ पारदर्शी
विचारमा सधैं हामी बनाैँ दूरदर्शी ।
समूहमा काम गराैँ नीतिभित्र बसी
शुद्ध बुद्ध बन्न सकाैँ लगाएर कसी
वस्तुनिष्ठ मूल्यांकन गराैँ आफैलाई
भराेसामा राख्न सकाैँ सबै साथीभाइ
चुनाैतिकाे बीचबाट उठ्न सकाैं माथि
आजैबाट अघि बढाैँ हैत प्रअ साथी ।
सबैखाले जनशक्ति उत्पादक हामी
छाड्ने हाे कि राजनीति गर्दै हिड्ने बानी
बिर्सिएर हुन जाला त्रुटि अनि भुल
सुकी जान बेर हुन्न सृजनाकाे मूल
आचरण ख्याल गराैँ दाग फेरि लाग्ला
इज्जत याे मेटाउने भूतप्रेत जाग्ला ।
पेशागत हक हित पूरा हुँदै जाऊन्
कहीं कतैबाट हुन नपराेस् है डाउन् ।
सभा गाेष्ठी सेमिनार कार्यशाला गरी
कर्मक्षेत्र समुज्जवल पाराैं सधैंभरि ।
आजैदेखि संकल्प याे गराैँ सबै जन
शिक्षाक्षेत्र उठाउन लागाैँ सब मन ।
विदा हुन्छु सबैमाझ राखेँ यति कुरा
आशा गर्छु भविष्यमा भई जान्छन् पूरा ।
तुलसीराम खरेल बिर्तामोड झापा नयाँ सरकारले आइतबार छुट्टी गराएको थियो। नयाँ शैक्षिक सत्रमा आइतबार विद्यालय…
घनश्याम रेग्मी नानीहरू चित्र बनाउँदै थिए धर्सा खिची रङ्ग लगाउँदै थिए उत्साहका हार्दिक रङ्ग घोलिए…
अम्बिका धिताल भक्तपुर "बुबा, योगले साँच्चै जीवन बदल्छ ?" छोराले बिहानको सुनौलो घाममा आँखा चिम्लिरहेका…
योग दिवसका अवसरमा मुकुन्द शर्मा कार्यमा कुशल बन्नुपर्दछ जिन्दगी सरल चुन्नुपर्दछ वृद्ध बालक तथा युवाजन…