युगल बसेल
सन्धिखर्क -१,अर्घाखाँची, हाल चन्द्रागिरी -११
महिना पुस माघैमा
मन तानिन्छ आगैमा
जोलाई नि जाडो उत्ति हो
पर्छ सबको भागैमा ।
सिरकमा गुडुल्किऊँ कि ?
घामै ताप्न तम्सिऊँ कि ?
तातै तातो खाउँला कि ?
नत्र सातो जाला कि ?
चपाऊँ मकै भटमास
खाऊँ कोदो रोटी गाँस
कुक्रुक्किए झन च्याप्छ
चुलाऊँ फुर्तिफार्ति रास।
पोलौँ आलु पिँडालु
पकाऊँ ,तरुल गिठा लौ
घिउ ,चाकु गमर्क्याऊँ
ठन्डी परै उछिट्ट्याऊँ।
दाँत चिउँडो नकमाऊ
न्यानै नाना लगाऊ
कुक्रुक्किए च्याप्छ झन्
फुर्तिलो ज्यान बनाऊँ।
धनराज सिलव हिमाली काखमा बसी विद्यार्थी आगाडि लम्कन्छौँ यो देशको मायालाई बोकी तारा झैँ सदा…
रोजिना घिमिरे अन्धकारको यो अनन्त सुरुङभित्र उभिएर म आफ्नै अस्तित्वको ढकढक्याहट सुनिरहेको छु। गुरु, तपाईँले…