गंगा खड्का
फूलबुट्टे घाँगर
लगाइकन जाँगर
लुगा सिउने दिदीले
सिलाइदिइन् विधिले ।
फर्याकफुरुक गरेर
जोसजाँगर भरेर
हिँड्न थालेँ रमाई
आमाको हात समाई ।
कपाल बाटी लरक्क
बाको छेउमा सरक्क
बसेँ रम्दै आएर
राम्रो घाँगर लाएर ।
बाले मोबाइल खोलेर
मुस्कुराउँदै बोलेर
फोटो खिच्न थाल्नुभो
फेसबुकमा हाल्नुभो ।
परी जस्ती राम्री
मुटुको टुक्रा हाम्री
भन्दै क्याप्सन लेख्नुभो
घाँगरमा राम्री देख्नुभो ।
ऐना अगाडि गएर
लाजले राती भएर
हेरेँ ऐना रमाउँदै
घाँगरको छेउ समाउँदै ।
बूढानीलकण्ठ काठमाडौँ
विपद्का कारण अभिभावक गुमाएका, परिवारबाट बिछोडिएका तथा असुरक्षित अवस्थामा पुगेका बालबालिकाको संरक्षणलाई राज्यको संस्थागत जिम्मेवारीका…
कृष्णशरण उपाध्याय पौडेल हामी जन्मनु पूर्व छल्छल थिए, सारा नदी का जल हाम्रो मृत्यु पछाडि…