“ममतामयी माता”

प्रार्थना खनाल जोशी

जा माथिकौशीमा गएर खा। दश बाह्रजना परिवारका सदस्यलाई हरेक विषयमा व्यवस्थापन गर्न गृहणीलाई गाह्रै हुन्थ्यो। खाना ख्वाउँदा , बाँड्दा सबैको चित्तबुझाउनु पर्थ्यो। बिहानको खाना, खाजा, बेलुकाको खाना आदि बनाउँदा परिवारको सदस्यको रूचीलाई ध्यान दिनै पर्थ्यो।
यसैक्रममा ममतामयी माता गृहिणीको भूमिका सदैव निभाई रहन्थिन्। सबैलाई खुसी पार्नसक्नु उनको कला नै मान्नु पर्छ।
पढ्दा पढ्दा भोक र थकाइले गर्दा कान्छोभाइ मातासामु आई खाजा माग्यो। के खान दिने अब तँलाई भन्दै झर्को माने झैँ गर्दै माताले प्लेटमा चिउरा र साग हालेझैँ गरिन्। अनि कान्छोलाई जा माथि कौशीमा गएर खा भनिन्। ठस्किँदै झर्किदै यस्तो जाबो खाजा भन्दै प्लेट समाई कान्छो कौशीतिर लाग्यो। खाईसकेर फर्कंदा कान्छो दङ्ग मासुलाई चिउराले छोपेको पाएर।