मर्म

सोम कुमार सुब्बा
लिङ्दोक,पूर्व सिक्किम

“हजुर!यहाँ आउँनोस् त छिटो!”भित्री कोठाबाट पार्वती चिच्याइन्।
“के भो?”सोध्दै श्रीमान हत्तपत्त भित्रे।
“उ हेर्नोस् त!”भन्दै उनले टिभीतिर औंलाइन्।
“टिभीले समाचार भन्दै थियो –
“हिजो स्कूलबाट घर फिर्दै गरेकी एघार वर्षीय बालिकाको, बलात्कारपछि हत्याको काण्डले जन आक्रोसित भएका छन्।”
“उफ!कस्ता कुमान्छेहरु हुन्छन्,हे भगवान मलाई त छोरै दिनोस् है।”भन्दै उनले आफ्नो गर्भे भुँडी सुमसुमाइन्।
“तर मलाई त छोरी नै चाहिन्छ।”श्रीमानले मन्तव्य राखे।
“किन हजुर?” उनले अचम्मिदैँ सोधिन्।
“किन कि,छोरीले मात्र छोरीको मर्म बुझ्छिन् अनि मर्म बुझ्नेले मात्र निवारण खोज्छिन्।