शिव पुन
कति घटे घटना , मसिनेकाे वन
कति सम्झे कति बिर्सेँ , अझै कति मन।
घाँस दाउरा वनपात , गाेठालाे जाँदा
ऐसेलु र चुत्राे बयर , टिपेर खाँदा।
कति घटे घटना…..
आँप पनि खुबै खाइयाे , तरुल खनि खाइयाे
नजानेरै भए पनि , के-के गीत गाइयाे ।
कति घटे घटना …..
कहिले त पानी पर्थ्याे , कहिले घमाइलाे
वनपात गर्दा खेरि , कति रमाइलो ।
कति घटे घटना…..
सालकाे पात फरर , सल्ला सुस्साउँदा
मनै हुन्थ्यो आनन्द , खुबै खुशी हुँदा ।
कति घटे घटना…..
वर-पीपलकाे चौपारीमा , हावा सरर
त्यस्ताे हुन्थ्यो आनन्द , मनै हरर ।
कति घटे घटना …..
उकाली र ओरालीमा , बिते धेरै दिन
सम्झदा अहिले म त , रुन्छु किन किन ।
कति घटे घटना…..
भाले बास्याे कुखुरी काँ , अझै अँधेराे
जानू पर्थ्याे दिनहु , पानी पधेराे ।
कति घटे घटना…..
पुसकाे भन्दा अझ जाडाे , हुन्थ्यो माघकाे
गाई बाख्रा चराउँदा , डर बाघको ।
कति घटे घटना…..
खाली खुट्टा काडाँ बिझ्दा , भए हाेला हानी
कति सहे हावाहुरी , असीना र पानी ।
कति घटे घटना…..
मणिराज भट्टराई गठ्ठाघर, भक्तपुर हुँदैन सन्तानको मायाँ कहिल्यै पनि धेर थोर मैले सम्झिएकै छु तिमीले…
लालबहादुर भुजेल पहिलै पहिलै हिन्दू धर्म संस्कृतिकाे पढाई, गुरूकुलमा हुने गर्थ्याे लेखाई र सिकाई !…
अन्जु शर्मा रातोपुल मूर्तिका आँखाबाट आँसु खसे। उसले ढोकाबाट अवलोकन गर्दै गरेका मूर्तिकारलाई नमन गर्दै…