गंगा खड्का
बूढानीलकण्ठ ,काठमाडौँ
मीठामीठा परिकार खाउँला बसेर
पहारिलो घाममा तेल घसेर ।
घिउ चाकु मिसाई खान पाउँदा
झनै लाग्यो रमाइलो दिदी आउँदा।
पुसमा उसिनेर माघमा चाख्ने रे
तरुलको महिमा जानी राख्ने रे ।
मुरै र तिलका लड्डु थरीथरीका
कसोगरी खाने हो थालैभरिका ?
खिचडी र फुलौरा खाउँला रमाई
तातोतातो सेल पनि हातमा समाई ।
माघैको यो सङ्क्रान्तिले न्यानो ल्याउँछ रे
दिन बढ्दै जानाले काम भ्याउँछ रे ।
विपद्का कारण अभिभावक गुमाएका, परिवारबाट बिछोडिएका तथा असुरक्षित अवस्थामा पुगेका बालबालिकाको संरक्षणलाई राज्यको संस्थागत जिम्मेवारीका…
कृष्णशरण उपाध्याय पौडेल हामी जन्मनु पूर्व छल्छल थिए, सारा नदी का जल हाम्रो मृत्यु पछाडि…