सरिता पराजुली
माेवाइलमा ध्यान दिने
राम्राे हाेइन बानी
भन्दाखेरि ठुस्स परिन्
हाम्री सानी नानी ।
गृहकार्य गर्दा पनि
आँखा तानी तानी
हेर्ने कस्ताे बानी बस्याे
हेर सानी नानी ।
लुकाएर लान पाए
झाेलाभित्रै जान्थ्याे
स्कुलकाे टिफिनमा
अहा!मज्जा आँउँथ्याे ।
भन्दै कहिले हँसाउँछिन्
कहिले दिक्क पार्छिन्
कहिले काहीँ सम्झाउँदा
आँसुमात्र झार्छिन् ।
सबैभन्दा प्याराे वस्तु
माेवाइल नै भयाे
यसकाे दर्शन गर्दा गर्दा
समय नै गयाे ।
साथी संगीसँग खेल्ने
दिन ढल्दै गयाे
माेवाइलले सबै खुसी
खाेस्दै खाेस्दै लग्याे ।
एकान्तमै रमाउँछन्
साना साना नानी
माेवाइलमात्र चलाउँछन्
च्यानल छानी छानी ।
विपद्का कारण अभिभावक गुमाएका, परिवारबाट बिछोडिएका तथा असुरक्षित अवस्थामा पुगेका बालबालिकाको संरक्षणलाई राज्यको संस्थागत जिम्मेवारीका…
कृष्णशरण उपाध्याय पौडेल हामी जन्मनु पूर्व छल्छल थिए, सारा नदी का जल हाम्रो मृत्यु पछाडि…