“मिलेर जाऊँ यो पालि”

घनश्याम रेग्मी

पञ्चमी नाग पुजेर
एकै हुन् प्राणी बुझेर
झरी वर्षामा रुझेर
आएका हामी कुदेर।

अब त चाड फर्किए
झरी र बर्खा घर्किए
हिलो र मैलो तर्किए
यो साथी सम्झी धर्किए।
हातमा रक्षा बन्धन
जनैले रक्षा गर्धन
वैरी हुने छन् रन्थन
भोलिको चिन्ता पर्दैन।
धर्ममा आस्था छ हाम्रो
धार्मिक सद्भाव राम्रो
मिलेर हामी मनाऔँ
सबैमा हर्ष बढाऔँ।
मिलेर काम गरेका
अगाडि सधैँ सरेका
मिलेर जाऊँ यो पालि
वीरका नाति नेपाली।