“मेरा रहरहरू”

अनन्य राज सापकोटा
कक्षा: ५ ‘ग’
ग्लोबल कलिजिएट स्कुल, रानीपौवा, पोखरा

सानो सानो उमेर
सानै छन् यी रहर
फिजाइ मनका पखेटा
कोर्न मन छ गोरेटा।

बाँड्न मन छ सबैलाई
सुख, शान्ति, समृद्धि
हेर्न मन छ आँखाका
तस्वीर ठूला आशाका।

सुख, दुःख जीवनमा
हुन्छन् नसा, नसामा
मिहिनेत गरौँ मिलेर
जिउँला भोलि डटेर।

आज गरे रमाइलो
हुन्छ भोलि अँध्यारो
हाम्रा आनीबानी नै
हुन्छन् मुख्य अती नै।

देखे आज सपना
भोलि बन्छ विपना
पुरा होलान भनेर
साँचेको छु रहर।