“मेरो सानो कोठा”

शशि अर्याल लम्साल

मेरो सानो कोठा छ
काेठामा एउटा ढाेका छ
ढाेकाकाे छेउमा टेबुल
गर्छु म राम्रा कबुल
मेराे सानाे…….

किताब कापी लस्करै
मिलाइ भ्याएँ भर्खरै
ओछ्यान राम्राे चिटिक्क
गर्दिन फाेहाेर फिटिक्क
मेराे सानाे………

दराजमा लुगा मिलाउँछु
च्यात्तियाे भने सिलाउँछु
पुछेर भुईँ खुरूक्क
भएँ नि म त फुरूक्क
मेराे सानाे………

आमा र बाबा आउनुभाे
देखेर काेठा रमाउनुभाे
बाबाले काँधमा राख्नुभाे
आमाले धाप मार्नुभाे
मेराे सानाे……..।