शशी अर्याल
पार्क घुम्न गएको
रमाइलो भएको
फूफैफूल बगैँचा
नाच्न थाल्याे मन त
हरियाली दुबोमा
नाच्न थालेँ अब म
बस्ने मेच लर्कन
मन छैन फर्कन
चिप्लेटी र पिङले
घुमाउने रिङले
मन चोर्यो बेसरी
खेल्ने होला कसरी
मेरै जस्तो उमेर
आयो हुल घुमेर
आलोपालो गरेर
खेल्यौँ हामी रमेर
बाबाआमा सतर्क
नहोस् कतै अनर्थ
साथसाथै मसँग
कहिले त झसङ्ग
शनिबार रमाएँ
नयाँ साथी कमाएँ
मनभरी सम्झना
केके गरेँ पार्कमा
बिदा हुँदा घुमौँला
नयाँ ठाउँ डुलौँला
सिकाइमा पक्कै नि
सहयोग गर्छनि।
धनराज सिलव हिमाली काखमा बसी विद्यार्थी आगाडि लम्कन्छौँ यो देशको मायालाई बोकी तारा झैँ सदा…
रोजिना घिमिरे अन्धकारको यो अनन्त सुरुङभित्र उभिएर म आफ्नै अस्तित्वको ढकढक्याहट सुनिरहेको छु। गुरु, तपाईँले…