ललिता ‘दोषी’
राष्ट्र हाँक्ने नेता आऊ
बनाऊ अब देश
हामी सबै एक भए
फेरिन्छ नि भेष
पढ्या लेख्या चाहिन्छ नि!
हाम्रो देशको नेता
फ्याँकौँ अब झारेझुरे
विचार गरौँ त्यता
अति भयो ङ्यार्रङुर्र
अति भयो पाप
अब उँधो झरे राष्ट्र
लाग्नेछ है श्राप
आफू मात्र भर्छन् पेट
पिउँदै सबको आँसु
राष्ट्रलाई सम्झेका छन्
तिनको बाउको नासो
हुँदैन है नेताज्यू हो
कात्रोभित्र गोजी
राष्ट्रघात गरे अब
पछार्नेछौँ खोजी
बढाउनु छ हात हाम्ले
कर्मठ नेतातिर
राम्रा नेता रोज्यौँ भने
हट्ने छ है पीर।
घनश्याम रेग्मी "कहिल्यै बिरामी पर्नु भएको छ ?" कसैले प्रश्न गर्यो भने म लगायत…
शम्भु ढकाल सूर्याेदय न पा १२ आठघरे,इलाम "के गर्दै हुनुहुन्छ आमा ?" साँझपख छाेरीले फाेनमा…
शोभा कोइराला वसन्तकी सुन्दर पुष्प नारी लज्जा भएकी पनि दिव्य नारी नारी बिनाको घर नै…
सुरेशकुमार पाण्डे दाङ घोराही १८ "ओहो बालकले के काम गर्छ ?"- डाक्टर पुनितले रामेको हात…
गणेश आत्रेय मदनपोखरा,पाल्पा हाम्रो नाति छ हेर; अल्छी छैन ल हेर। प्रातः काल सबेर; उठ्छ…