“विधि”

डा. छायादत्त न्यौपाने

जेनजी युवा साथी हाे
साेच तिम्रो जाती छ
मन तिम्रो आँटी छ
अरुभन्दा माथि छ

सुशासनको मुद्दा याे
जाेस जाँगर उच्च छ
सुझबुझ विवेकी
पाकाे मान्छे खाँचाे छ

बेथिति र भ्रष्टाचार
जरा जरासम्म छ
काला पछि गाेराकाे
रीति थिति उस्तै छ

अनुभवी खाेजेर
इमानदार राेज्ने हाे
उत्पादनकाे साँचोमा
कर्मयाेग जाेड्ने हाे

बेथिति याे चिरेर
स्वच्छ शासन गर्नु छ
फाेहाेर मैला फालेर
सङ्कटमुक्त हुनु छ

नीर धीर क्षीरले
चुनौती याे जित्नु छ
पार्टी पछि नलागी
विधिसम्मत हिँड्नु छ।