भगवती शर्मा
कुन साधु भयो कुन चोर भयो
नचिनी नचिनी मन अन्त गयो
शिवशक्ति भएपछि सत्य चिन्यो
यदि छैन भने मति भ्रष्ट भयो।
शिवको महिमा मनमा नहुँदा
विष खानु प-यो मन दिक्क भयो
विषले नछुँदा सब छक्क भयो
यदि चिन्न सके अझ मिल्छ सुधा।
शिव भूमि छ यो अनि शान्त थियोे
अब भङ्ग भयो मति भ्रष्ट भयो
कुन शत्रु पसे कुन कारणले
सब भस्म भयो अनि कष्ट भयो।
पशुको जति बुद्धि भएन किन
सब छन् धनमात्र बटुल्न किन
विष हुन्छ प्रसाद अचेल किन
शिव भक्ति भएन कि आज किन।
न गणेश कुमार सपूत बुझ्यो
न त ज्ञान न सत्य बुझेन बुझ्यो
झुट हुन्छ वरिष्ठ पवित्र भन्यो
शिवको गरिमा नचिनेर कुद्यो।
