रामप्रसाद पन्थी
रेसुङगा न पा २ गुल्मी
कृष्णकाे कथा महिमा के छ भन्नुभाे बाबाले
दिएर ध्यान कृष्णकाे ज्ञान लिएँ नि मजाले ।
जन्मिए कृष्ण मथुरा धाम अष्टमी तिथिमा
हिडाए जन कराडाैं मन धर्मकाे नीतिमा ।
द्वापर युग यादव कुल मानव चाेलामा
विष्णुले जन्म लिएका थिए देवकी गर्भमा ।
विष्णुकाे आठाैं स्वरूप कृष्ण धर्मका रक्षक
आसुरी शक्ति मेटाए सब धर्मका भक्षक ।
कृष्णकाे हात मारिने थियाे कंशकाे भविश्य
मर्दछु भन्ने मनमा थियाे कंशमा अवश्य ।
बैनी र ज्वाइँ जेलमा हाल्याे मृत्युकाे डरले
जन्मिए जति बुझाए शिशु कंशकाे करैले ।
जेलैमा कृष्ण जन्मिए राति सुरक्षा घेरामा
निदाए सेना परे ती सबै शक्तिका फेरामा ।
लगियाे राति सुटुक्क कृष्ण नन्दकाे घरमा
पालिए कृष्ण यशाेधा अनि नन्दका भरमा ।
पाएन पत्ताे कंशले कृष्ण साटिए भनेर
तर्सियाे कंश आकाश वाणी गर्जन सुनेर ।
मार्दछु कृष्ण भनेर कंश जति नै गरे नि
खटायाे कंश असुर सबै कृष्णले मारे नि ।
कृष्णकाे हात पुतना मरी कंश नि मारियाे
धर्मकाे रक्षा कृष्णले गरे सम्मान गरियाे ।
ज्ञान र कर्म भक्तिकाे मार्ग कृष्णले सिकाए
करूणा मैत्री मुक्तिकाे मार्ग कृष्णले देखाए ।
कृष्णकाे कथा महिमा धेरै रहेछ बुझियाे
कृष्णकाे नाम भजेर खुब पूजा नि गरियाे ।
जय श्री कृष्ण
खोलाघरे साहिलो देवीसमान आमा हुन् जन्मदायिनी हुन् माया दिई असाध्यै हुर्काउने उनी हुन् के त्याज्य…
रमेशचन्द्र घिमिरे भोर्लेटार, लमजुङ क-क-न-न भनेर मीठो बोल्न सिकाउँछिन् हात समाई बिस्तारै ताते-ताते गराउँछिन् मलाई…
नन्दलाल आचार्य "त्यो खिया लागेको ढोका बाहिर यमराज मुस्कुराइरहेको छ, बाबु, तिमी भित्रै बस !"…