“स्वदेशी”

उमानाथ दाहाल
शिवसताक्षी नगर पालिका झापा

बाबु त धेरै अङ्ग्रेजी पो बोल्छ त यति सानैमा, के को प्रभाव हो?
घर आएको दुई दिनपछि गोपालले निर्मलालाई सोध्यो।
खै घरमा सबै नेपाली नै बोलिन्छ, टी.भी.च्यानलको प्रभाव होला।

तिमीलाई पनि यस्तै मन पर्दोहो। बाबुले अङ्ग्रेजी बोल्दा मक्ख पर्छ्यौ कि? गोपालले छड्के हान्यो।
के गर्नु नदेखाई अल्मल्याउनै गाह्रो छ, ख्वाउन पनि सकिदैन निर्मलाले बाध्यता ओकली।
हाम्रा नेपाली च्यानल चैँ छैनन्? यस्ता नानी बाबुहरूलाई प्रभाव पार्ने ? गोपालले जिज्ञासा राख्यो।
छन् तर रसिलै मान्दैन। रिमुट ल्याएर अर्को लाइदे भन्छ। लाएन भने झगड़ा। निर्मलाले अनुभव बताई।
त्यस क्षेत्रमा लागेकाहरूले बालबालिकाका लागि रमाईला सामग्री तयार गरेर प्रचारमा ल्याउनु पर्ने हो खै क्षमता र ज्ञान भएकाहरू अगाड़ि नसरेका हुन् कि ! गोपालले निरासा व्यक्त गर्यो।
जान्नेले गरे हुने आफू त यस्तै परियो। निर्मलाले सहमति जनाई।
गोपाल चिन्तित् हुँदै बोल्यो आजका सारा बालबालिकाहरू बच्चैदेखि विदेशी भाषा, भेषभूषा, खानामा अभ्यस्त हुदै जाने हो भने ठूला भएर कसरी स्वदेशी बन्न सक्लान्?