धनराज सिलवाल
खाने लाउने पढ्ने सबै
हाम्रो अधिकार हो।
शान्तिसँग बाँच्न पाउनु
हाम्रो अधिकार हो।
हामी बलक बच्चाहरु
यही देशका सन्तान
बाच्नलाई फोहर टिप्छौँ
खाते हामीलाई नभन।
खान पाए पढ्न पाए
हामी असल बन्नेछौॅ
यो देशको वीर बनि
असल कर्म गर्नेछौ।
हामीलाई माया गर्नुस्
आफ्नै सन्तान सम्झेर
दासी होइन खाते होईन
नेपाली सन्तान संझेर।
शव्द सुन्दर भाषण सुन्दर
कागजका पानामा
हाम्रो पीडा सधैँ उस्तै
सुसेलीका भाकामा।
अधिकार बालको
कहाॅ छ खै थाहा छैन
कागजले हक दिन्न
व्यवहार कहाॅ छ देखिन्न।
उठौँ अब बालक हामी
अधिकार लिनलाई
लिखित होईन सधैँभरी
व्यवहारमा ढाल्नलाई।
