हिम्मत

गजल आचार्य
बुढानिलकण्ठ मावि,
गोलबजार-४, सिरहा

“नारी भनेको घरको काम गर्नका लागि हो । धेरै पढेर के गर्नु ?” सरलाले यही कुरा मात्रै हर्दम सुनेकी थिइन्।
आज मिसले भनेको सुनिन्- “नारीलाई रोक्न खोज्दा, समाजको प्रगति आफैँ रोकिन्छ।”
यस कुराले गहिरोसँग खम्बा गाड्यो सरलाको मनमा। उनलेे बाबुसँग भनिन्- “कलमको सामर्थ्यले विश्व बदल्न सक्छ रे । म पढेर ठूलो मान्छे बन्छु । हाम्रो गाउँ र समाजलाई राम्रो बनाउँछु।”
उनको पढाइमा धेरै रुचि थियो। उनको आत्मविश्वास र प्रयासले गाउँभरि उदाहरणीय कथा बन्दै गयो। उनको कुराले बाबु र हजुरबालाई सोच्न बाध्य बनायो। उनीहरूले नारीलाई प्रेरणा र अवसर दिनु समाजको कर्तव्य हो भन्ने बुझे। बिस्तारै, उनीहरूको दृष्टिकोण परिवर्तन भयो। सरलालाई पढाइमा प्रेरित गर्न थाले।
अन्ततः उनले प्रमाणित गरिन् कि नारी शिक्षित र स्वतन्त्र भए मात्र समाजले प्रगति गर्छ।