सरिता पराजुली
चन्द्रागिरि -१५,काठमाडाैं
विद्यालय ज्ञानकाे मन्दिर हामी साना नानी
कापी कलम झाेला बाेकी विद्यालय जानी
सफा शान्त विद्यालय मन चङ्गा हुन्छ
गुरूआमा साथी देख्दा झनै दङ्ग हुन्छ ।
भविष्यका कर्णधार हामी साना नानी
असल शिक्षा दिनुहुन्छ गुरूआमा जानी
पढाएका राम्रा कुरा ध्यान दिनुपर्छ
किताबका पानाबाट माेती झिक्नुपर्छ ।
नजानेका सिकाउने हाम्री गुरूआमा
असल मार्ग देखाउन गर्नु हुन्छ धामा
विज्ञान र गणितले नाैलाे ज्ञान दिन्छन्
अङ्ग्रेजी र नेपालीले भाषा सिकाउँछन् ।
सामाजिक प्राणी हामी समाजमा बस्छाैँ
भन्ने ज्ञान सिकाउने सामाजिक पढ्छाैँ
हाँस्न नाच्न बाँच्न पनि सिकाउने राम्राे
धेरै धेरै माया गर्ने गुरूआमा हाम्राे ।
