रमेशचन्द्र घिमिरे
भोर्लेटार, लमजुङ
बाक्लो हुस्सु कुहिरो उडिरा´छ फुस् फुस्
जाडो पनि कति हो, उस्, उस्, उस् !
“सहरबाट गलबन्दी ल्याइदिएनन् मामाले
यौटा स्वीटर किन्नलाई’नि कन्जुस गरिन् आमाले”
केटाकेटी आपसमा, कुरा गर्छन् खासखुस्
जाडो पनि कति हो, उस्, उस्, उस् !
“बाले दे’को जड्यौरी, थोत्रा लुगा हापिन्छ
नयाँ लुगा नपाइन्जेल बरु आगै तापिन्छ
सल्काइन्छ झिँगल्टा, घसेटा र झ्यासझुस्”
जाडो पनि कति हो, उस्, उस्, उस् !
“कठ्याङ्ग्रिँदा ठण्डीमा पढ्न मन ला’छैन
आँत कामेर थरर्र बोल्न पनि भा’छैन”
माघले फेरि रुवाउने भो कट्यो बल्ल पुस्
जाडो पनि कति हो, उस्, उस्, उस् !
धनराज सिलव हिमाली काखमा बसी विद्यार्थी आगाडि लम्कन्छौँ यो देशको मायालाई बोकी तारा झैँ सदा…
रोजिना घिमिरे अन्धकारको यो अनन्त सुरुङभित्र उभिएर म आफ्नै अस्तित्वको ढकढक्याहट सुनिरहेको छु। गुरु, तपाईँले…