रामप्रसाद पन्थी
उमेर सँगै वृद्धि र विकास् क्रमश हुँदै छ
उत्तर बाल अवस्था तिम्राे याैवन छुँदै छ।
कलम कापी लुगा र फाटाे जतन गर्दैनौ
अटेरी बनी झगडा गर्न पछाडि पर्दैनाै।
खाेजेर निहु दिदीका साथ जिस्किन्छाै चल्दछाै
दिदीले अर्ती दिदा नि चर्काे स्वरले बाेल्दछाै।
उमेर तिम्राे चञ्चले बानी समय यस्तै हाे
बिस्तारै अब शान्त र धैर्य बन्दै पाे जाने हाे।
दिदी र आमा हजुर आमा सबैकाे आश छ
बाबाकाे मन भन्दछ बाबू प्रज्ञान खास छ।
भन्दछ मनाे विज्ञान तिम्राे उमेर जिज्ञासु
सिर्जना शक्ति उमारी बन ज्ञानकाे पिपासु।
असल कर्म गरेमा सधैँ अगाडि बडिन्छ
भएमा ज्ञानी सबैकाे प्याराे मानिस भइन्छ।
इस्क्रिन सित गहिराे लत अब त छाड्ने कि
लगाव देऊ पढाइ सित उर्वर दिन यी।
याे जन्म तिम्राे प्रगति तर्फ सदैव लम्कियाेस्
प्रज्ञान ज्ञानी भनेर नाम चाैतर्फी चम्कियाेस्।
भएर जाऊन् हरेक तिम्रा मनका चाहना
दीर्घायु हुनू सुस्वास्थ साथ गर्दछु कामना।
दीपक हुनु कुलकाे बाबू यशस्वी बनेर
कदर गराेस् दुनिया सारा महान भनेर।
धनराज सिलव हिमाली काखमा बसी विद्यार्थी आगाडि लम्कन्छौँ यो देशको मायालाई बोकी तारा झैँ सदा…
रोजिना घिमिरे अन्धकारको यो अनन्त सुरुङभित्र उभिएर म आफ्नै अस्तित्वको ढकढक्याहट सुनिरहेको छु। गुरु, तपाईँले…